ليش هيك !!

مرحبن

أشتقتلكم تقولو غايبه سنه

ماعليناخلينا ندخل في الموضوع

من خلال متابعتي لمعظم اخبار الأردن

أستنتجت شغله حلوه وغريبه شوي ألا وهي أن الأردن من الجو بتبين زي الترمس من كتر التكاسي

لأ طبعا بمزح

صحيح مين جرب هدا الأحساس

لما تقرب الطياره على المطار طبعا مافيك تشوف غير مساحات صفرا وبنيه

بس أنا قصدي الأحساس أنك قربت وفي ناس بستنوك على نار

المره الماضيه وأنا في مطار السعوديه

رايحه على الأردن عم بخلص الشناتي ولا في وحده مع جوزها

أجوني فاالزلمه بقول لو سمحتي ياختي بدنا منك معروف فقلتلهم تفضلوا الله يقدرني

هاي مرتي أول مره بتسافر لوحدها

وحابه ترافقك في الرحله

بالله تديري بالك عليها فأنا في عقلي بقول يالله على هيك لزقه

معقول أنا شكلي يوحي أني مقلعه سفر

وبعدين

أنا موتي تقعد وحده جنبي تقرقر

أنا بكون متوتره خلقه وبحب ألتزم الصمت عاده

يعني الي طقوسي الخاصه

فا أيش جاوبتهم

أوكي بس عندي شغله رح أخلصها وأرجع خليكي هون بليز

طبعا فليت ولا عدت رجعت

المهم طلعت في الطياره ورحت لاأقعد في مكاني ولا مين اللي حجزها جاي جنبي

أكيد عرفتو وشوفو بقى الأحراج والنكد

على فكره أنا كنت جايه أحكي عن موضوع تاني

بس شرتت عن الموضوع ورح أضطر أنزل ثريد ثاني

النكته

النكته

واحد بقول لصاحبه

أذا أحسنا العمل في الدنيا

ودخلنا الجنه وصار النا حور عين

وين نروح بنسوانا

قام قله:بنعطيهم للكفار

قرارخطير .......بدي انزل نكت

في إشي بطير بالسما وبوكل غيوم ولونه زهري شوهو؟

(آكل الغيوم الزهري)

***********************************

*معلم سأل طالب مسطول .. ليش نايم أول حصتين ؟ قاله حتى أسهر أخر حصتين!!!

*************************************************

مرة واحد غبى واقف في الشارع وبيتكلم فى المحمول وعمال يزعق ويقول : بس دورى تانى...معلش دورى كويس ..

واحد معدى فى الشارع سأله : فيه ايه؟؟ راح واخد المحمول منه وبيسمع : الرقم الذى طلبته غير موجود بالخدمة من فضلك اعد المحاوله

******************************************************

في نذل صوّر أبوه وهم يدفنوه ....... وكل يوم يحط الشريط لأمه !!

***************************************************************

حوطي راح يركب اسنان قالو!!بعشرة الاف

قال: لاقي وجه جيزاني كامل بالفين..

**********************************************

محشش وقف في نقطه تفتيش قال للعسكري عب بعشره

*********************************************

عنز ذكية غصبها أبوها على خروف ماتبيه أشرطت الزوأج :بعد عيد الآضحى

***************************************************

واحد سكران دقت عليه أمه قال لها مين عطاك الرقم يا حلوه

****************************************************

في واحد دخل ملعب وفي مباره بين فريق الحمر والسود وقعد جنب واحد أعور وما يعرف انه أعور... ساله وقاله شو النتيجه يا أخ؟ قال الاعور فريق الحمر واحد. فسألو: والسود؟ قال الأعور بعدهن مانزلو الملعب...

الزوج قادما من عمله

مرحبا زوجتي

بالله كاسه

H2O

ريقي ناشف

وقرفان حالي

الجو بره مشبع بأول أكسيد الكربون

غشيمه أنت عن الزحمه

يعطيك العافيه حبيبي

أنا بدي

أياك

تخلي

كل الأفكار السالبه

بره

وتفكر بس بكل الطاقه الأيجابيه

الموجوده بالبيت

اللي كانت ذرات حبنا هي أساسه

معك حق حبيبتي

أنا عناصر السعاده

وجزيئات التفاؤل

الموجوده هون ماممكن ألاقيها في مكان تاني بالدنيا

الله يديم علينا التفاعل والترابط اللي بينا

ويبعد عنا أي شي ممكن يحلل علاقتنا

آمين يارب

طب حطيلي أتغدى

وركزي تكون الكتله والحجم

حسب الدايت اللي ماشي عليه

أوكي حبيبي

بس أنا ماحطيت

بعدني صوديوم كلورايد

حط حسب رغبتك

أكيد يسلمو أيديكي

آه شو في أخبار اليوم

مافي شي حبيبي

بس في شغله في بالي

أو طلب

تفضلي سامعك

بعرف أنو في تضخم في

ميزانيتنا وأنو الراتب غير قابل للأنقسام أكتر من هيك

وأحنا الرابطه التساهميه

والتناسقيه اللي بينا

خلت الأمور مستوره

أنا قررت أرجع أشتغل

وأساعدك

حبيبتي أحنا ياما درنا في هيك مدار ورسينا على التوزيع الجزئي لمهماتنا أنا بره

وأنت بالبيت

بس مافي مشكله

أذا أحنا دمجنا أدوارنا

أنت هيك بتعملي تنافر بينا

وبتخربي

التجاذب الكهرومغناطيسي القوي اللي بينا

بالعكس أنا همي دايما أني أحافظ على الروابط اللي بينا وأحميها من التكسروالتفكك

طيب أذن أسمعي كلامي وخلينا ماشيين على جدولنا الدوري المعتاد

والله يجيب اللي فيه الخيرماشي خلينا نأجل الموضوع بلكي بلاقي أفكار مشعه أكتر من هيك

بديش البدابشه

المسلسلات التركيه

متابعه لثريدات المقارنه بين الأفلام والمسلسلات

المسلسلات والأفلام التركيه

المسلسل عشطعشر ألف حلقه لامفر

البطل والبطله مقضينهاحبوا بعض بعدين تزاعلوا, بعدين حبوا, بعدين تزاعلوا, بعدين حبوا وبعدين أتزاعلو.........ألخ

على قوله فيروز حبو بعضن تركو بعضن

البطله لازم يتقاتلو عليها أثنين لامحال

البطل بنطخ وبنطعن ألف مره وممكن حتى تدعسه شاحنه ويعمل حادث وتنفعص سيارته وبظل عايش

وممكن يموت ويرجع كمان

الأنعاش القلبي بس ضغطتين على القلب ويادار مادخلك شر

كل اللي بنجلطو وبمرضو وبروحو بغيبوبه برجعو ماشاء الله عليهم

فش حدا منهم بموت اما اللي بموت بكون بدون سبب محرز

بتبدى الحلقه وبتخلص بدون نص ربع حدث محرزماغير البطل بركض ورا البطله

بتظهر كل شوي شخصيه من لامكان بتخرب العلاقات في المسلسل وبعدين بتختفيلي

عشان تجديد الأحداث وكسر الملل

الموسيقى الحزينه على الطالعه والنازله أصلا مافي موسيقى فرايحي

من أصلو لأنو أحنا مش وجه فرح ومابشدنا غير النكد

المتجوزين لما يتقاتلو ويحمى الوطيس بينهم بيغمن على الوليه أو بتتدعثر وبتوقع وبياخدوها للمستشفى

لتطلع حامل

لما الأحداث تبدى تكون مشوقه

وحاميه لازم الدنيا تكون مطر وبرد

بعدين بكمل
__________________

حديث ازواج كمبيوترجيه

الحكي الكم واسمعي ياجاره

حبيبي انت نسيت شغله مهمه اليوم

الظاهر مخك بده فرمته

حبيبتي عن شو بتحكي مش متزكر شي

الظاهر بدي ميموري اكبر, اللي عندي فللت

حبيبي في مثل هذا اليوم شبكنا

اليوم عيد زواجنا يافالح

حبيبتي انا اسف

واحنا لسه فيها وياهارد مادخلك فيروس

طيب هاي المره سماح

انا بس بدي ابعد عن الفيروس واغنيله

طيب شو رأيك نحتفل حبيبتي بره

لا حبيبي انت عارف الديسك وغطاه

والمثل بقول مد ملفك عل قد ذاكرتك

والدنيا اخر شهر طيب حبيبتي بنحتفل هون

بس خليني اسيف هالملف اول

طيب وانا كمان بدي اشبك على السيرفر اللي بريحني

وابعتلي كمن ايميل

ومابدي اختراق لخصوصياتي

حبيبتي انتي عارفه انو اللينك اللي بينا واضحه من الاول

ومبنيه عله داتابيس عريضه وواسعه

بعرف هالشي حياتي

بس بحب احيانا اعمل اتربيوت عشان ااكد على الريلاشون ديجري

ماتخافي الدومين اللي بينا كبيروالبريمري كي بايديكي

وانا بكفيني الكومبوسيت كي

تسلم حبيبي

وانا بوعدك اعمل بروتيكشن كامله لحياتنا

ولااسمح لاي فورين بودي حتى يقربلنا

هادا اوتو ريبلاي

وهادا عشمي فيكي دايما

والله يحسن الآكسس اللي بينا اكتر واكتر

ويخلي الانالوج اللي بينا
__________________

حكماء الزون

حكماء الزون

بسم الله الرحمن الرحيم

قال أحد الحكماء في الزون ما رأيت أبخل من ثلاثة : من يلبس القديم ولديه الجديد! ومن يمنع نفسه عن الطعام ولديه المزيد!

وسكت .... فقيل له من الثالث !

فدمعت عيناه وطأطأ رأسه وقال:لأصحابه من لا يشارك موضوعي وقاعد يتفرج

فقط .

ثم أجهش بالبكاء حتى بكى كل الحاضرين معه في الزون

الظاهره

الظاهره

***************

أول شي نكته

عشان الشحط

وحده بتقول لمديرها يالله أجى

الصيف وأجى القرف

فقلها خليهم يدخلو

****************

من المؤكد أن هناك الكثير من الأمور المشتركه بين مجتمعاتنا العربيه

بحكم الدين والأعراف والتقاليد لكن في الوقت نفسه نجد أن لكل مجتمع خصوصيه ما تميزه

وهذا أمر طبيعي نظرا للتنوع الجغرافي والديموغرافي

وأنا هنا ومن متابعاتي اليوميه لأخبارنا المحليه بالذات وتتابعها

لاحظت أن هناك مايميزنا كمجتمع أردني

وهو تحول وتطور موقف أوحدث فردي الى ظاهره

في فتره زمنيه قصيره

فما أن تسمع بقصه ما اليوم

ستسمعها غدا بشخصيات مختلفه وأماكن مختلفه

فعلى سبيل المثال

في يوم سمعنا عن تسمم بعض الأشخاص

بسبب الشاورما في مطعم ما

أصبح الأمر يتكرر في مطاعم أخرى

وبنفس السيناريو تقريبا الى أن أصبحت ظاهره

******

مثال آخرالعثور على لقيط في حاويه وبعد عده أيام العثور على لقيط في مكان ما

وهكذادواليك الى أن أصبحت ظاهره

*****

اليوم شخص ما يعتدي على أعضاء طاقم طبي في مستشفى ما

اليوم التالي يتكرر الموضوع

في مكان آخرواليوم الذي يليه في مكان

آخر وهكذا تصبح ظاهره

اليوم تسمع عن مشادات وأحداث شغب

في أحدى الجامعات

لتتكرر اليوم التالي في جامعه أخرى

واليوم الذي يليه في مكان آخر

وهذه الأمثله لاعلى سبيل الحصر

لذا من السهل على أي منا أن يختلق ظاهره بمجردالقيام بأمر غيرأعتيادي

وسيجد أن الأمر يتطور وينتشربدون أي عناء أو جهد

يعني بأمكانك أن تلبس بنطلون فوشي اليوم لتجدها غدا ظاهره

وبأمكان الفتاه أن تضع روج أزرق

لتصبح غدا ظاهره

كما بأمكانك أن تجرب أن تمشي حافيا

لتصبح غدا ظاهره ورغم كل ماقلته

فنحن لانزال

في ألف نعمه وخيربما أن الزواج العرفي

لم يصبح ظاهره بعد

والأنتحار لم يصبح ظاهره

والمخدرات لم تصبح ظاهره

والمثليه وعمليات التحول لم تصبح ظاهره

الخطف والأغتصاب

لم تصبح ظاهره

لكن في الوقت نفسه

لاننسى أن القتل أقترب من أي يصبح ظاهره

اللبس الفاضح هو ظاهره

المعسل والشيشه للبنات والشباب ظاهره

المعاكسات والتحرش ظاهره

جرائم الشرف ظاهره

الفقر ظاهره

وغيره وغيره

ربما فاتني الكثير وبأمكانكم الأضافه

والتصحيح

******

بديش البدابشه

المسلسلات الخليجيه

أتتني رغبه ملحه بالحديث عن المسلسلات الخليجيه والتي بالطبع أنا مقاطعه لها مقاطعه دنماركيه

ولكن سيكون حكمي المتواضع لها من خلال مشاهدتي لمقاطع متفرقه بالصدفه

الانطباع الاول والعام انها اعراس خليجيه اكثر منها مسلسلات

بحكم الملابس والماكياج الذي يفوق المعقول

يعني الممثله ليل نهار بره جوه كاشخه

بتصحى من النوم الوان الطيف على الوجه تقول بتتمكيج وهي نايمه

والادهى الغره او القذله نفس مكانهاوبنفس عدد الشعرات

انا اللي متاكده منه انو مافي بنت بتصحى من النوم الا وشعرها خارج عن نطاق السيطره

كله كوم وهاي اللي نافخه شفايفها بجرعه سيليكون زايده كوم تاني

أذا طولت شوي وانا بشوف براطمها بيجيني القولون العصبي

**********************

والمنطق بقول اذا الجسم مربع او كروي

او معين او شبه منحرف مافي داعي

للبس المحزق والملزق

************

طب نيجي للصراخ والصياح والعياط والدموع المنهمره والحدب والندب

والكوارث والمصايب والبلاوي والمشاكل

والمبالغه في الحزن والكآبه مع ضرب كفوف وشلاليط

وشد الشعر والطخ

عمال على بطال

لو جد الحياه هيك

ماكان حد طلع سليم كله معوق او مشلول او مفصوم

بكفيك زينب العسكري اللي دايما تركض مظلومه

لا وبتصر انها دلوعه وصغيره والكل بلحقهاغير اللي بضحك عليها

وهي من اجيال ستي

********************

العالم ياعندها قصر يا في الحضيض

وبالآخر الغني بصير فقيروالفقير بصير غني

******

واولاد الاغنياء دايما ماصخين

شرب على مخدرات على شقق وبنات

والفقراء مكافحين وطيبين ومساكين

في الحلقة الأخيرة نصهم يموتوا

**********

ما باقي أحد في المسلسل الا حدثتله كارتة اللي ينشل

واللي يموت واللي يتجنن واللي يضيع ويصير صايع

واللي ينسجن واللي تجيه ازمة في القلب

ilak min ismak na9eeb ?

سبق وكان في ثريدز بتحكي عن الاسامي

بس انا رجعت احكي في هيك موضوع

لأنو أجى مريض اسمه فرحان

فبنادي اسمه :فرحان

فشو أجى بقول ترى اليوم مني بفرحان

اكيد يعني واحد مريض مارح يكون فرحان

تخيل واحد اسمه ضرغام او اسامه او باسل

بس شكله مسلسع والقطه بتاكل عشاه

او واحد اسمه باسم ومابتشوفه غير مكشر

او واحد اسمه شفيق بس مابمارس فعل الشفقه

يعني قاسي وغليظ

او واحد اسمه توفيق ودايما اموروه معركسه

او وحده اسمها نجاح بس دايما بترسب

او واحد اسمه تيسير بس اموروه مش ميسره

او واحد اسمه ثابت بس دايما بتشوفه مهزوز

او كريم او جواد وهو بالفعل بخيل

انتو مين مر عليكم اسمه مش على كسمه

او واحد جد اسمه عل كسمه
__________________

حكم فيزيائيه

حكم فيزيائيه

النمرده لاتفنى ولا تخلق من العدم ولكنها تتحول من شكل إلى اخر

التغير في النيه الشلهوبيه للنظام الشلهوبي=كميه الثريدز - الشغل في الزون

يتناسب حجم المسؤوليه على بديش طرديا مع الضغط الواقع عليها

لا يمكن انتقال الحرارة من مستودع بارد الى مستودع ساخن دون الحاجة الى بذل شغل .

الممبر الساكن يبقى ساكناً و الممبر المتحرك بسرعة منتظمة يبقى كذلك ما لم تؤثر عليه قوة

اذا اثرت قوة على موديريتور تكسبه تسارعاً يتناسب طردياً مع القوة المؤثرة

لكل ثريد ردود من البوستات متفاوته بالمقدار و معاكسه له بالاتجاه

إذا تعرض الممبر لضغط فإن الضغط يتوزع على جميع بوستاته بالتساوي .

أحلى نكت بالعالم

مرة في محشش مسكو معو بودرة بيضا بالمطار ...قالولو : جمرة خبيثة ؟!...قلون : صلو عالنبي والله مخدرات

**********

مرة في محشش قلو لرفيقو : عندك للسر مطرح؟؟....قلو : له ياصاحبي ..قول شو في؟؟؟ قلو : معك شي 500 ليرة تديني ياها ...قلو : خلص!!! كأني ماسمعت شي!!!!

**********

مرة في محشش بدو يقعد على كرسي حديقة ...قام لقى ورقة مكتوب عليه "احذر الدهان" ...قام وقف وصفن شوي ..قال : عرفتو ...ازرق!!!!

*************

مرة في واحد عندو 100 ولد وكلهم بدهم سيارات ...قام اشترى ميتسوبيشي وعطى كل ولد سوبيشي

*************

واحد كان طالع على شغلو ...قالتلو مرتو : لك ليش ماتعمل متل جارنا..كل يوم ببوس مرتو قبل مايطلع...قلها : قولتك بتوافق؟؟؟!!

****************

محشش قلها لرفيقتو : تعي لعندي بكرا عالبيت مافي حدا....تاني يوم أجت مالقت حدا

*****************

وحدة وقفت تاكسي..قالتلو : السيدة زينب...قلها : السيد عماد!!

*******************

واحد وقف تاكسي قلو: نادي الشباب...قلو : ناديلون أنت!!

*********************

في شي أخضر وبكبسة زر بصير أحمر شو هو؟؟!!.......ضفدع بخلاط !

kman nokat

سألو حوطي: وشهو الحيوان اللي بحرف الذال ؟ قال: ذبيحه

**********

عبد طاح مغمى عليه قاموا خوياه يهفون عليه صار جمره

***********

فيه ثلاث صعايده كانوا يلعبون غميضه من عام 1979 وليييييييييييييين الحين ما حصلوا ولا واحد منهم

**********

عبده راحت للكوفيره تقول لها مكيجيني قالت لها واللــه يـأخـتـي لازم ورقه من المــرور

*********

في محشش قاعد قدام ستاره غرفته ليه؟؟؟؟؟ يستنا المسرحيه تبدا

************

محشش دخل بيت دعاره لقى زوجنه !؟!!؟ قال : سبحان الله ربي كاتب لي الحلال وين ماروح

***********

مره ضابط في الجيش طلع على المعاش اخذ مكفاءة نهاية الخدمة اشرى بيها ‏ارض و زرعها الغام

***************

واحد بدو ياخد مرته شمه هوا وداها منحله

حشاش خالص كازو..............

جا حشاش يبغى يستأجر بيت وما نصحوه لانه فيه شبح يخوف

بس ما سمع كلامهم واستأجره

جا الليل .. قام الشبح و قال لأصاحبه بطلع اخوفه

طلع الشبح و قعد جنب المحشش وقاله ممكن سيجارة ؟

طالع فيه المحشش وقال تفضل

نزل الشبح عند أخوياه وهو معصب وقالهم ما خاف ؟؟؟

رجع الشبح نتف نفسه و خلا الدم يشرشر من جلده و طلع عند الحشاش و قاله ممكن سيجارة ؟

طالع فيه المحشش وقاله تفضل

انجن الشبح ونزل عن اخوياه وقالهم هالمره بموته من الرعب ....

قام شال عيونه و لف راسه وكسر يده وطلع عند الحشاش و قاله ممكن سيجارة؟

طالع فيه الحشاش و قاله تفضل؟؟

هنا الشبح طلعت في راسه نخله وطار عقله ونزل تحت ولعب في نفسه لعب وطلع العامود الفقري

وخلا جلده مشرشر وقلب عيونه وطلع عند المحشش وقاله : ممكن سيجارة ؟

!طالع فيه المحشش وقاله :مش ملاحظ انك دخنت كثير والدخان ممكن يضرك!!!!

deraseh

هيك الدراسه بتقول ماجبت شي من دار اهلي غير مرطبان مخلل

أظهرت دراسة أمريكية حديثة أن المتزوجين من قبيحات هم الاكثر حظا من حيث طول العمر

لانهم لا يعانون من مشاكل الغيرة

وما يتبعها من اضطرابات نفسية وصحية متراكمة.

وتشير الدراسة الى ان الغيرة والاضطراب

يؤديان مع مرور الزمن الى تقصير العمر .

وافادت الدراسة ان الرجال المتزوجين من جميلات أكثر عرضة

للاصابة بارتفاع ضغط الدم , والشعور بالاكتئاب

على هيك اختارو مره بشعه او مرض في القلب

وهي نكته عالبيعه

الطبيب- عليك ان تغسل عينيك باستمرارالمريض -

حسنا ولكن اين يباع الاستمرار؟؟
__________________

nokat

******

واحد مدعوم راح لعند الدكتور وبعد التحليل قلله: لازم توقف السكر لأنو طلع معك سكري رجع لعنده تاني يوم جايبله رسالة واسطة من

وزير عشان يسمحلو ياكل حلو

***********************************************************

واحد قلله الدكتور: وقف التدخين.مابدخن. وقف المشروب مابشرب .

وقف أكل المقالي.مابحب المقالي.

شو بتحب تاكل.فواكه.

وقف أكل الفواكه.

*************************************************************

واحد راح عند بياع الفلافل وقلله: دخيلك صندويشه بس بدون بندوره.

قلله البياع: بندوره ماعندي أعمللك ياها بدون خيار

**************************************************************

تلات تخرجو من كلية الزراعه وقرر واحد يسافر يعمل دراسات عليا

واتنين قررو يعملو مزرعة دجاج

جابو الجاجات وحطو راسن تحت التراب وحطو التراب

واتفاجؤوا انو ماتو

رجعو حطو رجليهن بالتراب كمان ماتو يعني الزراعه مانجحت

بعتو رساله لصاحبهم الفتح اللي بدرس بره فقام قلهم بعد ما فهم القصه ابعتولي عينه من التراب المستعمل

******************************************************************

طنط قرر ينتحر حط شطه في الكورن فليكس

Atwa code

واحد قاعد مع مراته، فقال لها: أنا بحب فيتراك.



قالت له: وأنا بحب رامي.



قال لها: فيتراك دي مربى.



فقالت له: ورامي ده عسل

mas2ol fased

مسؤول رايح رايح

مسؤول خرج من منصبه.. فذهب لعند مسؤول أكبر منه،

واخبره بحكايته وقال له: ليش طلعتوني،

أنا غلطت لا سمح الله.

أجاب المسؤول الكبير: هيك الدنيا يا صاحبي يعني واحد

بيجي وواحد بيروح،

هاي سنة الحياة.

لم يعجب الجواب المسؤول المطرود واحسها نوعا من التنصل

وقال مغتاظاً:طيب هي أنت ما رحت ..

أجابه المسؤول الكبير: حبيبي أنا مش سنة.. أنا فرض !!