هذا ثريد موجه لكل من استخف بقصه الضياع
انا رح أخليكم تنفحموا بعد سرد تبريري المنطقي والموضوعي الآن الآن وليس غدا
أفرضوا أنا في القصه اياها ضعت وأهلي مالأقوني وقام لقاني واحد الله حارمه هو ومرته من الخلفه
أكيد رح يشوفها فرصه أنو ياخدني خاصه اني كنت أموره وشقره ومكلبزه وعيوني خضره
ولامن شاف ولا من دري
والأبلى انو ماكان رح يكون أسمي متل هلأ بديش كان ممكن سماني ماريا مرسيدس 200 كلاسيك
وكان ظليت على عماي لحد مادخلت الجامعه وقابلت سنتياغو الشب الظريف اللطيف
واللي بظل يحور ويدور حولي واللي في يوم بفتحلي قلبو مع جورج قرداحي
وبقوم بشكيلي حال عيلتو الحزينه اللي ضيعت بنتها من سبعين سنه
وماعادو لقوها وعن حال امو اللي لابتاكل ولابتشرب بس بتتطلع بعيونو
وابو اللي بياخذ حبوب فيتامينات عن طريق الوريد بعد حادث الضياع المؤلم
واخوانو واخواتو اللي مابنامو بالليل بس بنامو بالنهار
اشي بقطع مصارين القلب
طبعا ماريا بتروح كارره القصه اللي سمعتها من سنتياغو على امها اللي بتنصدم بشاحنه ثمن عجلات
وبتقوم راده :بتصير كثير بتلاقي البنت جرفها السيل ولا غرقت في البحر الأحمر
وأحتمال أكبر تكون بلعتها رمال الصحرا عادي يعني
وبعدين هاظا سنتياغو بتحلقيلو على الناشف ناقصنا زعران
وانت تنسيش انت مين انت ماريا على سن وضرس بنت عطيه مفضي الحلوح
مستواكي عالي والك قيمتك
بس بلاش كيف لو انو عطيه هاظ مش مصلح بوابير وصوبات فوجيكا
المهم شو بدكم بطول السولافه
بتمر الايام والدقايق بالتصوير البطيء
لحد الحلقه قبل الأخيره قصدي لحد مايجي اليوم اللي بتصير فيه أم ماريا المزيفه تنازع وضميرها بصير يوجعها وتقرر تحكي الحقيقه من طق طق للسلام عليكم لماريا اللي بطلع أهلها غير المزورين ساكنين على راس الشارع وسنتياغو طبعا أخوها
للأسف طار العريس
وتستمر الحياه
شفتو يامساخيط قديش كان ضروري أهلي يلاقوني قبل ما أتورط مع دار عطيه البوابرجي