في لحظه صفاء مع النفس تذكرت مقتطفات من الماضي
تذكرت مسلسل أبو عواد ومرزوق لما كان أبو عواد
دايما يقول آخ يازمن الشقلبه
تصورو هادا الحكي
كان ينقال شي عشرين أو ثلاثين سنه من قبل
شو نحكي عن أيامنا هاي,
اذا هديك الأيام كانت مشقلبه أحنا أيامنا شو !!!!
اللي ماظل اشي على حالو أكيد مافينا نقول
انو التطور شي سلبي بس مو معناتو انو يكون
بعلاقه عكسيه مع القيم والأخلاق والمبادىء مابدي
أعقد الأمور وأتفلسف كتير
لكن حتى أبسط الأمور
انقلبت أو تغيرت
خدولكم هالأمثله:الرجال بطل قد كلمته وماعاد يهمه ينقال كلام رجال
بوعد اليوم وبخلف تاني يوم الصبح
البنت اذا بتستحي ومحافظه بنقال عنها معقده
not open minded
وأنو عندها مشكله ما
الأطفال بلا براءه ولامايحزنون
الواحد بتلاقيه مش فاقسه عنو البيضه وعينو بجحه
الضيق أحسن من الواسع
القصيرأحسن من الطويل
وسائل الاتصال أكثر والعواطف الصادقه أقل
تصنع الحب أسرع طرق الزواج
وتصنع التدين أسرع طرق لكسب الثقه
المظهر بمشي معاملاتك أسرع من الجوهر
النصب مسمى وظيفي للشطاره
قلايه البندوره وحوس اللوبيا والفاصولياوالمجدره غير معترف فيها كأطباق رسميه
صوبه فوجيكا دلاله على التخلف وللموضوع بقيه
__________________
__________________
ليست هناك تعليقات:
إرسال تعليق